玄燊算命 準唔準? 一次搞笑的經歷分享一下 | Wong的電子科技世界

話說小弟雖然喺度分享文章咗咁耐,但一直真人不露相,網絡世界你又唔知我,我又唔知你嘅情況下,都好少講自己啲嘢.

其實小弟今年30到尾,唔知係咪太迷科學科技嗰方面嘅興趣,搞到自己一直都冇異性埋身,其實我自己一直都好想拍拖,唔知係咪性格嘅問題(希望係啦),總之一直都好難先有一次拖拍.



後來朋友介紹我去一間婚姻介紹所,  叫Lunch XXtually ,其實服務都幾好, 一入到去招呼我嗰位小姐已經都幾靚, 幫襯咗佢都算係中價位的一個plan,畀咗好幾個質素都唔錯嘅女仔介紹畀我.

不過後尾同佢哋見面之後, 唔知係咪我自己性格問題, 定係佢哋要求高, 感覺上一見面都已經大家想走, 丫唔係, 係對方想走多啲. 自問小弟外表都唔算話太差, 其實都唔知自己個問題係邊度, 唔通真係時也命也, 因緣未到?

後尾仲幫襯咗另外一個行內幾出名嘅一位紅線媒人, 今次名就唔開啦, 佢專係負責幫人撮合一啲想結婚嘅對象. 其實我自己又唔係話特別想結婚, 不過我阿爸阿媽係勁傳統嘅人, 佢哋全部都好想要小朋友, 迫迫下搞到我都要去"相睇".

另一位媒人介紹咗兩個我自己認為質素都一般一般嘅女性對象, 反而有一位佢幾鍾意我, 但係我又唔多鍾意佢呢種女仔, 因為感覺上都幾黐身. 而另外一位女仔, 外表都唔錯, 我自己都幾鍾意, 但係佢成日都唔回我訊息, 感覺上都幾忽冷忽熱.

後尾同事傾開, 唔知係咪做呢一行嘅關係, 同事之間都好多都好遲結婚 , 又一個差唔多年紀嘅同事同我講 : 緣份未到, 有時真係冇得快, 想急都冇得急.. 最好去算下命, 睇下自己條命係咪真係咁姻緣薄.

同事有御用開嘅玄學師傅, 唔多出名﹐叫玄燊, 介紹畀我去算. 我自己係一個好抗拒算命嘅人, 基本上唔知係咪細個行開廟街, 見人哋全部都話唔準唔收錢, 搞到自己成日覺得算命都係一樣睇人面色嘅嘢.

開頭我去whatsapp問呢位玄燊師傅, 問下佢唔準唔收錢得唔得, 佢話得但係要畀咗錢先, 如果真係唔準就會退錢畀我.



頂!唔係呀嘛, 萬一唔準你唔退錢畀我咁點?

最搞笑係,同事介紹嘅師傅, 下下去到咁盡又好似好串. 唯有試一試佢, 我問佢有冇一啲淨係算姻緣嘅收費, 佢話如果要睇埋結婚, 就要拎八字算, 唯有畀咗千五蚊佢, 試一試呢位玄燊師傅準唔準.

一開頭我問佢要等幾耐, 事關佢話係一份書, 唔使見面, 直接批我幾多歲先有姻緣, 結到婚同生仔. 佢話都要快極都要兩個禮拜. 我心諗唔係呀嘛, 兩個禮拜真係頸都長埋.

等又等, 等到真係花兒也謝了嘅時候, 終於收到佢份命書. 先唔談論準唔準, 因為我最care嗰樣, 係我到底幾時結到婚?

份命書頭嗰幾頁係講人生整體運程, 去到某一頁係講婚姻, 我見到第一句即刻笑咗.

"命中姻緣淡薄"

我即刻問呢位玄燊師傅, 呢句點解?

佢答我自本身冇妻子粒星, 本身異性緣都會弱﹐會好遲結婚. 大鑊, 我明明冇同佢講過我自己啲姻緣史, 又冇畀過佢睇過我個樣(面相), 點解佢都會知我異性緣弱?

我試下再考考呢位玄燊師傅

"玄燊師傅, 份命書我就睇咗啦, 但係好似有啲嘢你未講喎, 不如你試下講下我屋企人係點?"

結果佢係隔左一日先覆我, 問我想知啲乜嘢, 我話你有咩睇到你咪講囉.

佢話我父親係好傳統嘅人(中) , 同埋本身勤力但係會賭錢(都中). 老母就會係比較要面子嘅人, 而且一定要做生意唔鍾意打工 (一半一半.. 佢曾經做過生意但係失敗咁解)

呢個時候我呆一呆, 我明明冇畀我阿爸阿媽嘅出生年月日,時辰八字佢,點解佢會睇到我父母嘅嘢?後尾同事話返畀我知, 佢話知一個人既八字,其實會知道佢好多嘢..

我再問佢, 我第時太太會係點嘅人? 師傅話會係比較唔睇重錢銀嘅人, 但係女方嘅阿媽, 即係外母就會好難服侍. 外表會唔錯, 會係有番咁上下質素嘅女性.

聽到呢度我超開心, 起碼攞到一個自己滿意嘅答案先, 同事都話呢個師傅有嗰句講嗰句, 係比較直嘅師傅.

講返上面婚姻介紹嗰幾位女性, 到而家鍾意我嗰個女仔都仲係日日煩緊我. 但係我鍾意嗰個,已經冇再回我訊息.

我自己都一直搵緊, 有冇一啲女仔係唔會睇重錢銀,又會有番咁上下質素, 留意緊身邊係咪有啲咁嘅女仔, 睇下係咪真愛已經降臨咗?

總括而言, 服務都算全面﹐有興趣既自己資料搜集一下﹐連結方面不會放了.  呢篇文我睇下遲啲會唔會再更新, 如果我結咗婚, 而我老婆又係真係咁嘅人, 咁我就真係會多謝呢位同事介紹呢位師傅比我.